عرب لیگ کی ایران کے داخلی امور میں بیجا مداخلت

ابنا: اسلامی جمہوریہ ایران کی وزارت خارجہ کے ترجمان رامین مہمان پرست نے تین ایرانی جزائرسے متعلق عرب لیگ کے بے بنیاد دعووں کو ایران کے داخلی امور میں بیجا مداخلت قراردیا ہے ۔ مہمان پرست نے دوحہ میں عرب لیگ کے 24 ویں سربراہی اجلاس کے بیان میں خاص طور سے تین ایرانی جزائر کے بارے میں دہرائے جانے والے بے بنیاد دعوؤں کو مسترد کرتے ہوئے ، ان دعوؤں کو ایران کے اندرونی مسائل میں بے جا مداخلت قرار دیا ۔ مہمان پرست نے کہا کہ علاقے کے بعض ممالک کے عہدیداروں کی جانب سے بے بنیاد دعوؤں کو دہرایا جانا ، خلیج فارس کے حساس علاقے میں امن و سلامتی کی برقراری میں کوئی مدد نہیں کرے گا ۔
 واضح رہے کہ قطر کے دارالحکومت دوحہ میں عرب لیگ کا 24 واں سربراہی اجلاس جو کل شروع ہوا تھا ، آج ایک بیان جاری کرنے کے ساتھہ ختم ہوگیا ۔
۔۔۔۔۔۔۔۔۔۔۔۔۔۔۔۔۔۔۔
/242